აშშ-ის პრეზიდენტმა ხელი მოაწერა საკანონმდებლო აქტს, რომლის მიხედვითაც აშშ-ის ადმინისტრაციას ეკრძალება დახმარების გაწევა ქვეყნებისთვის, რომლებიც საქართველოს რეგიონების, აფხაზეთისა და ე.წ. სამხრეთ ოსეთის დამოუკიდებლობას აღიარებენ. ამერიკულ სახელმწიფო უწყებებს ასევე ამ ორი რეგიონის მიმართ რუსული ოკუპაციის მხარდაჭერა ეკრძალებათ.

აშშ-ის სახელმწიფო მდივანს დაევალა, რომ 90 დღის განმავლობაში კონგრესს მოახსენოს რუსეთის მიერ ოკუპაციის მიმართებით განხორციელებული ქმედებების შესახებ.

აღმოსავლეთ პარტნიორობის ქვეყნებს გამოეყოთ დამატებითი დახმარება რუსეთის აგრესიასთან გასამკლავებლად და ასოცირების და თავისუფალი ვაჭრობის შეთანხმების ხელშესაწყობად.

აშშ-ის პრეზიდენტმა საკანონმდებლო აქტს ხელი გუშინ მოაწერა. კანონს ორი დღის წინ წარმომადგენელთა პალატამ, შემდეგ კი სენატმა დაუჭირა მხარი.