სააგენტო „Reuters"-ის ინფორმაციით, ირანში ქვანახშირის მაღაროში აფეთქების შედეგად 35 ადამიანი დაიღუპა, 70-მდე კი დაშავდა.30 დაშავებული უკვე საავადმყოფოშია გადაყვანილი.

შემთხვევა ქვეყნის ჩრდილოეთით, გოლესტანის რეგიონში მოხდა.მაღარო ქალაქ აზადშახრის მახლობლად მდებარეობს. გავრცელებული ცნობით, დაღუპული მაღაროელები გვირაბში იმყოფებოდნენ და აფეთქების შემდეგ მიწის ქვეშ მოყვნენ. ისინი 1300 მეტრის სიღრმეზე მუშაობდნენ. აფეთქების შესახებ ინფორმაცია „tehrantimes"-მა გაავრცელა.

აფეთქება სავარაუდოდ ბუნებრივი აირის გაჟონვამ გამოიწვია. შემთხვევის ადგილზე სამაშველო სამუშაოები ამ დრომდე მიმდინარეობს, თუმცა ჯგუფებმა ჯერჯერობით მხოლოდ მაღარომდე მისასვლელი გვირაბის 600-მეტრიანი მონაკვეთი გაწმინდეს.