ფინანსურმა პოლიციამ საქართველოს საზღვარზე, საქონლის გადაადგილებასთან დაკავშირებული წესის დარღვევის ფაქტზე ერთი პირი დააკავა.

გამოძიებით დადგენილია, რომ ბრალდებულმა, საბაჟო - გამშვები პუნქტი „სარფის" გავლით გადმოკვეთა სახელმწიფო საზღვარი და საქართველოს ტერიტორიაზე უკანონოდ გადმოიტანა დეკლარირებას დაქვემდებარებული, განსაკუთრებით დიდი ოდენობით ძვირფასი ქვა - 482,3 კარატის ზურმუხტი.

საგამოძიებო სამსახურმა ძვირფასი ქვა ნივთმტკიცების სახით ამოიღო.

საქმეზე მიმდინარეობს გამოძიება. დაკავებულს სასჯელის სახით, 5-დან 7 წლამდე ვადით თავისუფლების აღკვეთა ემუქრება.