საფრანგეთის ქალაქ გრენობლში, „მაკდონალდსის" რესტორანში აფეთქება მოხდა. ამის შესახებ ფრანგული გამოცემა „Le Dauphine Libere" იუწყება. ფრანგული მედიის ცნობით, ასაფეთქებელი საშუალება საპირფარეშოში იყო.

დაშავებულთა შესახებ ინფორმაცია არ ვრცელდება. პოლიციამ ტერიტორიიდან 30-მდე ადამიანი გაიყვანა.ადგილზე საგამოძიებო მოქმედებები მიმდინარეობს.

სამართალდამცველებმა სწრაფი კვების რესტორნის მიმდებარე ტერიტორია და გზები გადაკეტეს. ადგილზე გამნაღმველები მუშაობენ. თუმცა, საფრანგეთის პოლიცია აფეთქების ფაქტს ჯერჯერობით ოფიციალურად არ ადასტურებს.