„გვიყვარხართ ბებიებო, ბაბუებო" - გორის სოფელ სკრაში ამ სახელწოდების პროექტი ორგანიზაცია „ბეთლემის" წარმომადგენლებმა დაიწყეს. სოციალურ აქტივობას ორგანიზაცია „ადამიანი გაჭირვებაში", ევროკავშირის მხარდაჭერით აფინანსებს.

სოფელში და დევნილთა დასახლებაში ახალგაზრდები მოხუცებს სახლში საქმიანობაში მიეხმარებიან. მოხუცებისთვის კულტურული ღონისძიებებიც მოეწყობა.

პროგრამის მხარდამჭერი ორგანიზაციის წარმომადგენელი, ნანა ფერაძე ამბობს, რომ ახალგაზრდებისთვის ველოსიპედების შეძენა იგეგმება, რომლებსაც გაჭირვებაში მყოფი მოხუცების დასახმარებლად გამოიყენებენ. ასევე სპეციალურად შეიძენენ სარეცხ მანქანას.

ადგილობრივი ორგანიზაცია „ბეთლემი" პროექტისთვის 15 ათასი ლარით დაფინანსდა.