გურჯაანის სოფელ ჯიმითში ავტოსაგზაო შემთხვევის შედეგად მეოთხე კლასელი მოსწავლე გარდაიცვალა. მედიაში გავრცელებული ინფორმაციით, მოზარდი სახლიდან გამოვიდა და გზის გადაკვეთას ცდილობდა, რა დროსაც ავტომანქანა დაეჯახა.

დაშავებული სასწრაფო დახმარების ბრიგადამ გურჯაანის საავადმყოფოში გადაიყვანა, თუმცა მისი გადარჩენა სიცოცხლისთვის შეუთავსებელი დაზიანებების გამო ვერ მოხერხდა. ფაქტზე მიმდინარეობს გამოძიება.