ევროპის საბჭოს საპარლამენტო ასამბლეის პრეზიდენტი პედრო აგრამუნტი თანამდებობას 29 აპრილს, მას შემდეგ დატოვებს რაც ასამბლეაში ესპანეთის მეფის ვიზიტი დასრულდება.

უკრაინული მედიის ინფორმაციით, ფილიპ მეექვსე სხდომაზე 27 აპრილს გამოვა და მისი ევროსაბჭოდან გაცილების შემდეგ, აგრამუნტი საპარლამენტო ასამბლეის ბიუროში მივა, სადაც გადადგომის შესახებ განცხადებას გააკეთებს.

აგრამუნტი უკვე მეორე დღეა საპარლამენტო ასამბლეის სესიებს არ ესწრება, სხდომათა დარბაზში მას არც ხუთშაბათს ელოდებიან. იგი სხდომას მხოლოდ პარასკევს, ერთი საათით დაესწრება.

პედრო აგრამუნტის თანამდებობიდან გადადგომა ასამბლეის პოლიტიკურმა ჯგუფებმა, მისი რუსეთის დუმის დეპუტატებთან ერთად სირიაში ვიზიტის შემდეგ მოითხოვეს.