პროკურატურამ ბათუმის მარტის მოვლენებთან დაკავშირებით დაკავებულებს, აქციის სავარაუდო ორგანიზატორებს, მერაბ ღოღობერიძესა და ირაკლი ჩხვირკიას ბრალი წაუყენა.

ჯგუფური ძალადობის ორგანიზების და ხელმძღვანელობისთვის დაკავებულებს ბრალი სისხლის სამართლის კოდექსის 225-ე მუხლით ედებათ და 6-დან 9 წლამდე ვადით პატიმრობა ემუქრებათ.

საგამოძიებო ორგანო სპეციალურ განცხადებას ავრცელებს, რომლის მიხედვითაც დაკავებულებს ჯგუფური ძალადობის ორგანიზება დაუმტკიცდათ.

„ათეულობით პირი თავს დაესხა პოლიციის თანამშრომლებს.თავდასხმის შედეგად სხეულის დაზიანება მიიღო 35-მა პოლიციელმა. თავდამსხმელებმა ცეცხლის წაკიდებით დააზიანეს და გაანადგურეს სახელმწიფოსა და მოქალაქეების კუთვნილი 83 680 ლარის ღირებულების ავტომანქანები და 132 770 ლარის ღირებულების ქ.ბათუმის მერიის კუთვნილი ქონება" , - ნათქვამია პროკურატურის განცხადებაში.