საინფორმაციო სააგენტო „როიტერი" -ის ცნობით, სირიის ქალაქ ალეპოში მორიგ აფეთქებას 150-მდე ადამიანი ემსხვერპლა, მათ შორის 68 ბავშვია. ვრცელდება ინფორმაცია, რომ დაღუპულებს შორის არიან ჰუმანიტარული მისიისა და ამბოხებულთა ძალების წარმომადგენლებიც.

ავტობუსებთან, რომლებითაც მოსახლეობის ევაკუაცია მიმდინარეობდა, დანაღმული ავტომობილი აფეთქდა. მათი საშუალებით, ქალაქ ფუასა და კეფრაიას მოსახლეობის ის ნაწილი გადაადგილდებოდა, რომელიც 2015 წლის მარტიდან ამბოხებულებს ალყაში ჰყავდათ მოქცეული.