კვირას, აღდგომის დღესასწაულზე, ლანჩხუთის რაიონის სოფელ შუხუთში ტრადიციული ლელობურთი გაიმართება. ზემო და ქვემო შუხუთელები კიდევ ერთხელ დაუპირისპირდებიან ერთმანეთს. საბოლოოდ, რომელ მხარესაც აღმოჩნდება 16 კილოგრამიანი ბურთი, გამარჯვებულიც ის იქნება.

წლევანდელი ლელობურთისთვის ლანჩხუთის გამგეობა სპეციალურად მოემზადა. ლელობურთის დაწყებამდე გაიმართება სხვადასხვა სპორტული და კულტურული ღონისძიებები, რომელსაც როგორც ადგილობრივი, ისე ცენტრალური ხელისუფლების წარმომადგენლები დაესწრებიან.