თვითმხილველთა თქმით, შემთხვევა გუშინ საღამოს, დედაქალაქის ცენტრში მოხდა, #6 მიკროავტობუსი, წერეთლის გამზირზე 50 წლამდე ასაკის კაცს დაეჯახა რის შედეგადაც მამაკაცი ადგილზევე გარდაიცვალა. შემთხვევის ადგილზე მობილიზებულები იყვნენ პოლიცია და სასწრაფო დახმარების ბრიგადები.

გავრცელებული ინფორმაციით, მძღოლი შემთხვევის ადგილიდან არ მიმალულა, რაც შეეხება მგზავრებს, ისინი არ დაშავებულან.

შინაგან საქმეთა სამინისტროში მომხდარზე საქმე სისხლის სამართლის კოდექსის 276-ე მუხლის მეხუთე ნაწილით აღიძრა, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.