„BBC"-ის ცნობით, დიდი ბრიტანეთის პრემიერმინისტრმა, ტერეზა მეიმ, ხელი მოაწერა დოკუმენტს, რომლითაც ქვეყნის ევროკავშირიდან გასვლის პროცედურა - „Brexit"-ი, ოფიციალურად დაიწყო.

ოფიციალური შეტყობინება ლისაბონის შეთანხმების 50-ე მუხლის მიხედვითაა შედგენილი. დოკუმენტი ევროკავშირის პრეზიდენტს, დონალდ ტუსკს 29 მარტს წარედგინება.

გეგმის მიხედვით, გაერთიანებული სამეფო ევროკავშირს საბოლოოდ, 2019 წლის მარტში დატოვებს.

ლორდთა პალატამ „Brexit"-ის კანონი 14 მარტს დაამტკიცა. დედოფალმა ელისაბედ II-მ დოკუმენტს ხელი 16 მარტს მოაწერა. რაც შეეხება „Brexit"-ის შემდეგ, ევროკავშირის მოქალაქეებისთვის ბრიტანეთში ცხოვრებისა და მუშაობის უფლების შენარჩუნებას, ლორდთა პალატამ აღნიშნული შესწორება, ხმათა უმრავლესობით 274 ხმით 135-ის წინააღდეგ, არ მიიღო.

2016 წლის 23 ივნისს დიდი ბრიტანეთის ევროკავშირიდან გასვლას, რეფერენდუმში მონაწილეთა ნახევარზე მეტმა მხარი დაუჭირა. ევროკავშირიდან გასვლის მოწინააღმდეგე პრემიერი, დევიდ კამერონი კი გადადგა.