ბათუმში ჭავჭავაძისა და ასათიანის ქუჩების კვეთაზე 28 წლის ქალბატონს მანქანა დაეჯახა. ახალგაზრდა ქალბატონი ბათუმის რესპუბლიკურ საავადმყოფოში გარდაიცვალა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც სატრანსპორტო მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.