ფინანსურმა პოლიციამ სხვადასხვა დასახელების სპირტიანი სასმელების უაქციზოდ გადაზიდვის ფაქტზე, საქართველოს ერთი მოქალაქე დააკავა.კანონმდებლობით, სპირტიან სასმელებზე აქციზური მარკის დართვა სავალდებულოა.

გამოძიებით დადგინდა, რომ ბრალდებულმა სპირტიანი სასმელები აქციზური მარკის გარეშე საკუთარი ავტომობილით გადაზიდა. საგამოძიებო სამსახურმა უაქციზო პროდუქცია ნივთმტკიცების სახით ამოიღო.

საქმეზე გამოძიება საქართველოს სისხლის სამართლის კოდექსის მე-200 მუხლით მიმდინარეობს, რაც სასჯელის სახით, 2-დან 4 წლამდე ვადით თავისუფლების აღკვეთას ითვალისწინებს.