პრემიერმინისტრი საპარლამენტო უმრავლესობას და მთავრობის წევრებს ხვდება. გასვლითი შეხვედრა დახურულ კარს მიღმა, კაჭრეთში მიმდინარეობს.

ჟურნალისტებს ტერიტორიაზე შესვლის საშუალება არ მისცეს და კომენტარიც არავის გაუკეთებია. უცნობია კონკრეტულად რა საკითხებზე საუბრობენ მმართველი გუნდის წარმომადგენლები.

პარტიის შიდა საკოორდინაციო შეხვედრა სისტემატურად, საქართველოს სხვადასხვა რეგიონში იმართება. ამჟამად შეხვედრას საქართველოს პრემიერმინისტრი, მინისტრთა კაბინეტი, პარლამენტის თავმჯდომარე და საპარლამენტო უმრავლესობის წევრები ესწრებიან. ისინი პარტიის სამომავლო გეგმებსა და მიმდინარე აქტუალურ საკითხებს განიხილავენ.

როგორც ცნობილია, შეხვედრის დასრულების შემდეგ, უმრავლესობის წარმომადგენლები საუბრის დეტალებს გაასაჯაროვებენ.