ვანში, სოფელ ზეინდარში შვილმა მამა თოფით მოკლა. შემთხვევა გუშინ საღამოს მოხდა.

გავრცელებული ინფორმაციით, მამა- შვილს ოჯახში კონფლიქტი ხშირად ჰქონდა.

"როგორც ვიცი, მამა და შვილი ხშირად ჩხუბობდნენ. უსიამოვნება ჰქონდათ ოჯახში,"-განაცხადა ვანის გამგებლის წარმომადგენელმა.

შვილის თქმით, მამა მისკენ წალდით თუ ნაჯახით წავიდა და მან თოფი ესროლა.

შინაგან საქმეთა სამინისტროს განცხადებით, სამართალდამცავებმა ბრალდებული პირი ცხელ კვალზე ჩატარებული ოპერატიულ-სამძებრო ღონისძიებების შედეგად დააკავეს. უწყების ცნობით, ნივთმტკიცებად ამოღებულია დანაშაულის იარაღი.