დღეს, გამართულ პრესკონფერენციაზე „ევროპულმა საქართველომ" მცირე და საშუალო ბიზნესის მხარდაჭერის პროგრამა წარადგინა.

პრეზენტაციაზე ზურაბ ჭიაბერაშვილმა დაასახელა კონკრეტული რიცხვები, რა სახის სარგებელსაც მოუტანს ეს პროგრამა სახელმწიფო ბიუჯეტს და მოქალაქეებს.

"ევროპული საქართველოს" პროგრამის 7 პუნქტი გულისხმობს: ბენზინზე, დიზელსა და გაზზე აქციზი განახევრდეს; დღიურად 550 ლარამდე საშუალო ბრუნვის მქონე ბიზნესი არ დაიბეგროს, ასეთმა ბიზნესმა არ გადაიხადოს დღგ; უძრავი ქონების გასხვისების გადასახადი გაუქმდეს; საშემოსავლო გადასახადმა დაიწიოს 2018 წლიდან - 15%-მდე, 2019 წლიდან - 12.5%-მდე, 2020 წლიდან - 10%-მდე; განაწილებული მოგების გადასახადი შემცირდეს 10%-მდე; იმპორტის გადასახადი გაუქმდეს; საპროცენტო სარგებელზე გადასახადი გაუქმდეს.

"ევროპული საქართველოს" მცირე და საშუალო ბიზნესის მხარდაჭერის პროგრამა 2 ძირითად პრინციპს - გადასახადების შემცირებასა და სამთავრობო ხარჯების შეკვეცას ეყრდნობა", - განაცხადა ჭიაბერაშვილმა.

"ევროპული საქართველო" აღნიშნულ პროგრამას პარლამენტში დღეს წარადგენს