ჰავაის შტატის მოსამართლემ დონალდ ტრამპის მიერ გაცემული საიმიგრაციო ბრძანება დაბლოკა. CNN-ის ინფორმაციით, მოსამართლის გადაწყვეტილება დონალდ ტრამპის განკარგულების მოქმედებას აჩერებს, რომელიც ძალაში გუშინ, 15 მარტს უნდა შესულიყო.

მოსამართლის ვერდიქტს თეთრი სახლის ლიდერი უკვე გამოეხმაურა. ტრამპის თქმით, დერიქ უოსტონმა მოსამართლის უფლებამოსილებას გადააჭარბა.

დონალდ ტრამპმა 6 მარტს ხელი მოაწერა ახალ საიმიგრაციო განკარგულებას აშშ-ში ახლო აღმოსავლეთისა და ჩრდილოეთ აფრიკის ექვსი ქვეყნის მოქალაქეების შემოსვლის დროებით აკრძალვაზე.

აშშ-ის იუსტიციის დეპარტამენტი საიმიგრაციო განკარგულების დაცვას სასამართლოში აპირებს.