ბოლო ერთ წელიწადში საქართველოში მცხოვრები ოჯახის ყოველთვიური ხარჯი დაახლოებით 40 ლარით, ხოლო წელიწადში 450-500 ლარით არის გაზრდილი. როგორც სპეციალისტები ვარაუდობენ, ამ მხრივ გაცილებით მძიმე წელი გველოდება, რაც პროდუქტების გაძვირებას და გადასახადის ზრდას უკავშირდება. თუკი კომუნალური გადასახადების გაძვირებასაც გავითვალისწინებთ, რაც უკვე დაანონსდა, მოსახლეობას სამომავლოდ ხარჯის მნიშვნელოვანი ზრდა ელოდება.