პარლამენტის იურიდიულ საკითხთა კომიტეტი პატიმრობის შესახებ კოდექსში ცვლილებების განხილვას იწყებს. კანონპროექტის მიხედვით, სასჯელაღსრულებისა და პრობაციის სამინისტროს ადგილობრივ საბჭოს უფლება ექნება, მსჯავრდებულს დარჩენილი სასჯელი უფრო მსუბუქი სასჯელით, შინა პატიმრობით შეუცვალოს.

ასევე, ავადმყოფობის გამო გათავისუფლების უფლება მხოლოდ სასამართლოს ექნება. მსჯავრდებულთა გარკვეული კატეგორია აკადემიური უმაღლესი განათლების პირველ საფეხურზე განათლების უფლებით ისარგებლებს.

„ახალი რეგულაციები შემოდის, რომელიც ეხება პატიმრების ვადამდე გათავისუფლების წესს. ავადმყოფობის თუ ხანდაზმულობის გამო, პატიმრობიდან გათავისუფლების შესაძლებლობას სასამართლოს მიერ და აქ იხვეწება მთელი რიგი ნორმები " , - განაცხადა პარლამენტის იურიდიულ საკითხთა კომიტეტის თავმჯდომარემ, ეკა ბესელიამ.