საქართველოს პრეზიდენტი ბათუმის აქციასთან დაკავშირებით განცხადებას ავრცელებს. გიორგი მარგველაშვილი შეკრების უფლების აუცილებლობაზე საუბრობს, თუმცა მოქალაქეებს სიმშვიდისკენ და ძალადობის თავიდან აცილებისკენ მოუწოდებს.

„მოვუწოდებთ ყველა მხარეს შეინარჩუნონ სიმშვიდე და არ დაუშვან მოვლენების კიდევ უფრო მეტი ესკალაცია. მუდმივ კონტაქტზე ვართ პრემიერმინისტრთან და შს მინისტრთან. დაცული უნდა იყოს შეკრების უფლება და გამოხატვის თავისუფლება, თუმცა ამავდროულად პატივი უნდა ვცეთ სახელმწიფო ინსტიტუტებს და კანონს, დაუშვებელია ნებისმიერი ფორმით ძალადობა. ხელისუფლებამაც და აქციის მონაწილეებმაც ყველა წინაპირობის განეიტრალებაზე უნდა იზრუნონ" , - განაცხადა გიორგი მარგველაშვილმა.