მოსკოვში, პუტინი-ერდოღანის შეხვედრისას ძირითადი განსახილველი საკითხი სავაჭრო-ეკონომიკური და კულტურული ურთიერთობები იყო. ორი ქვეყნის ლიდერებმა ასევე სირიაში შექმნილ ვითარებაზეც ისაუბრეს.

ვლადიმერ პუტინის განცხადებით, რუსეთის ძალოვანი უწყების წარმომადგენლები მზად არიან, თურქეთთან ერთად ითანამშრომლონ. მისივე თქმით, მოსკოვსა და ანკარას კეთილმეზობლური ურთიერთობების განვითარების პოტენციალი აქვს.

ერდოღანმა აღნიშნა, რომ რუსეთმა და თურქეთმა მოსკოვში ორი ქვეყნის ლიდერების შეხვედრისას ურთიერთობების ნორმალიზების პროცესი დაასრულეს.