ქუთაისში საზოგადოებრივი ტრანსპორტის მძღოლების ნაწილი ისევ გაფიცულია. ისინი მგზავრობის საფასურის 10 თეთრით გაზრდას ან ყოველდღიური გადასახადის, ე.წ მოსაკრებელის შემცირებას ითხოვენ.

აქციის მონაწილეები ქუთაისის მერიის ტერიტორიაზე იმყოფებიან. მძღოლები მუშაობის დაწყებას მოთხოვნის შესრულებამდე არ აპირებენ. აქციის გამო ქუთაისში მოძრაობა უკვე მეორე დღეა პარალიზებულია.

გუშინ აქციის მონაწილეებს ქალაქის ვიცემერი შეხვდა. მძღოლებთან შეხვედრა დღესაც არის დაგეგემილი.