გამომძიებლებმა 34 წლის მამაკაცი კანაფის მცირე ოდენობის ქონის გამო დააკავეს. გავრცელებული ინფორმაციით, მამაკაცი უკვე მეორეჯერ არის დაკავებული. კანონის მიხედვით, პირველ ჯერზე 5 გრამამდე კანაფის ქონისთვის 500-ლარიანი ჯარიმას გათვალისწინებული, ხოლო განმეორებით შემთხვევაში ნივთიერების რაოდენობას მნიშვნელობა არ აქვს.

ოჯახის წევრების ინფორმაციით, შსს-ს თანამშრომლებმა ჩხრეკა ორდერის წარდგენის გარეშე დაიწყეს. მოგვიანებით კი განმარტეს, რომ ჩხრეკა გადაუდებლობიდან გამოდინარე ორდერის გარეშე დაიწყო, თუმცა გამომძიებლები არ ასახელებენ, თუ რატომ იყო ეს საქმე გადაუდებელი.

„რუსთავი 2"-ის ინფორმაციით, 34 წლის მამაკაცი პოლიციაშია გადაყვანილი და მას სავარაუდოდ ამ წუთებში კითხავენ. ვრცელდება ინფორმაცია, რომ დაკავებული ნარკოტესტირებაზე უარს აცხადებს.

ოჯახის უფროსის, დავით ზაუტაშვილის განცხადებით, შსს-ს თანამშრომლებს არავითარი ნარკოტიკული საშუალება არ უნახავთ, ხოლო ნანახი ნივთიერებები ძაღლის საჭმელი და ე.წ. დინდგელია.

შინაგან საქმეთა სამინიტროში კი აცხადებენ, რომ გამომძიებლებმა დააკავეს მოქალაქე, რომელსაც ჩხრეკისას აღმოაჩნდა სავარაუდოდ ნარკოტიკული საშუალება.