ბიზნესმენმა ქიბარ ხალვაშმა ტელეკომპანია „იმედთან" საუბარში განაცხადა, რომ „რუსთავი 2"-ში ალბათ, უახლოეს მომავალში შევა.
„ეს არ შეიძლება გაგრძელდეს წლობით. „რუსთავი 2"-ში, ალბათ, უახლოეს მომავალში შევალთ, მაგრამ ეს არ იქნება ძალდატანებით - დღეს და ხვალ", - განაცხადა ქიბარ ხალვაშმა.
ქიბარ ხალვაშმა საკადრო ცვლილებებზეც გაამახვილა ყურადღება. „ვისაც უნდა წასვლა, ყველა წავა, ვისაც უნდა, დარჩება".
„კომერცია არის წარმატების საწინდარი. თუ გვინდა, ვიყოთ კომერციულად გამართული და წარმატებული ორგანიზაცია, პირველ რიგში, არხს უნდა ჰქონდეს რეიტინგი. რეიტინგს სჭირდება პროფესიონალი ადამიანები", - განაცხადა ქიბარ ხალვაშმა