საპატრიარქოს მსჯავრდებულებთან ურთიერთობის დეპარტამენტის თავმჯდომარემ, დეკანოზმა გიორგი თევდორაშვილმა განაცხადა, რომ დეკანოზ გიორგი მამალაძის ზიარებაზე თანხმობა სასჯელაღსრულების სამინისტროდან მიღებულია.

მამა გიორგის თქმით, ჯერჯერობით დაზუსტებული არ არის, თუ როდის შევა სასულიერო პირი მამა გიორგი მამალაძის საზიარებლად. "უახლოეს პერიოდში უწმინდესი გადაწყვეტს, რომ მასთან შევიდეს სასულიერო პირი. მე თვითონ ველოდები ზარს", - განაცხადა მამა გიორგი თევდორაშვილმა.

სასჯელაღსრულების სამინისტროდან თანხმობა მამა გიორგი თევდორაშვილის ოფიციალური განცხადების გაკეთების შემდეგ მიიღეს.