დეკანოზ გიორგი მამალაძის დაკითხვა დღესაც ჩაიშალა. როგორც ე.წ. მატროსოვის ციხიდან გამოსულმა პროკურორებმა განაცხადეს, ბრალდებულმა მათ კითხვებს კვლავ თავი აარიდა და ისინი დაწყევლა. საგამოძიებო ორგანოს წარმომადგენლებს კრიტიკული შეკითხვების შინაარსი არ დაუკონკრეტებიათ.

„იმის ნაცლად, რომ ჩვენი კრიტიკული შეკითხვებისთვის პასუხი გაეცა, მან წყევლა შემოგვითვალა. ეს იმას ნიშნავს, რომ მას კრიტიკულ კითხვებზე პასუხი არ აქვს", - აღნიშნა ჯარჯი წიკლაურმა.

პროკურორის თქმით, გიორგი მამალაძემ დაკითხვამდე ოჯახის უსაფრთხოების გარანტიები მოითხოვა და სავარაუდოდ უარის თქმის მიზეზიც ეს გახდა. ჯარჯი წიკლაურის თქმით, პროკურატურა ოჯახის უსაფრთხოებასთან დაკავშირებით მამალაძის ადვოკატების წერილობით მიმართვას განიხილავს და გადაწყვეტილებას მიიღებს.

პროკურორები ვერ აკონკრეტებენ თუ როდის გაგრძელდება დეკანოზის დაკითხვა.