დიდთოვლობამ რეგიონებში მოსახლეობას გადაადგილების პრობლემა შეუქმნა. მიუხედავად იმისა, რომ ამ დროისთვის გზების უმეტესობა გაიწმინდა და ელექტრონული ხაზებიც მეტ-ნაკლებად მოაწესრიგეს, შიდა გზებზე ხალხს მიმოსვლა უჭირს. პრობლემა ერთნაირად აწუხებთ სვანეთში, რაჭაში, ყაზბეგსა და ზემო აჭარაში, სადაც ცენტრალური გზები მცირე ხნით ჩაკეტილი იყო და რამდენიმე მთიან სოფელს ცენტრთან დაკავშირების შესაძლებლობა არ ჰქონდა.