ზამთრის პერიოდში ელექტროენერგიისა და გაზის გადასახადთან დაკავშირებით, „სემეკი" მორიგ განცხადებას ავრცელებს. მარეგულირებელ კომისიაში განმარტავენ, რომ სამომხმარებლო ტარიფები არ შეცვლილა.

კომისია მიმართავს მოქალაქეებს და მოუწოდებს, რომ გაზრდილ გადასახადთან დაკავშირებით,  შესაბამის გამანაწილებელ კომპანიას, ან კომისიასთან დამოუკიდებლად არსებულ ენერგოომბუდსმენის სამსახურს მიმართონ. ასევე შეუძლიათ დარეკონ ქოლ ცენტრის ნომერზე 16 216.

„კომისია ინდივიდუალურად შეისწავლის მოქალაქეთა განცხადებებს და იმ შემთხვევაში, თუ მოკვლევის შედეგად ზედმეტი დარიცხვა დადასტურდება, მოქალაქეებს თანხა ჩამოეწერებათ", - ნათქვამია „სემეკის" განცხადებაში.