საქართველოს კათოლიკოს-პატრიარქის, ილია მეორის ოპერაცია დასრულდა. უწმინდესს ნაღვლის ბუშტის ოპერაცია ლაპარასკოპიური მეთოდით, ბერლინში, „Helios berlin bux"-ის კლინიკაში ჩაუტარეს.

როგორც პატრიარქის ფონდის ხელმძღვანელი, ლაშა ჟვანია, თავის „Facebook"-ის გვერდზე წერს, ოპერაცია წარმატებით დასრულდა და პატრიარქი ნარკოზიდან უკვე გამოვიდა.

ილია მეორეს კლინიკურ-ლაბორატორიული და ინსტრუმენტული გამოკვლევები ჩაუტარდა, დიაგნოზის საფუძველზე კი ნაღვლის ბუშტის ქირურგიული მეთოდით მკურნალობა გახდა აუცილებელი.

პატრიარქი გერმანიაში რამდენიმე დღის წინ გაემგზავრა. ოპერაცია თბილისის დროით 11 საათზე დაიწყო.