საავტომობილო გზების რამდენიმე მონაკვეთზე, მოძრაობის სპეციალური რეჟიმი მოქმედებს. ამის შესახებ ინფორმაციას, საავტომობილო გზების დეპარტამენტი ავრცელებს.

ინტენსიური თოვისა და ლიპყინულის გამო, ნაქერალას უღელტეხილზე და ალპანა-ცაგერის გზის მონაკვეთზე, მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა აკრძალულია. იმავე შეზღუდვებია ხაიში-უშგულის გზაზეც.

რთული მეტეოროლოგიური პირობების გამო, ფარავანი-ნინოწმინდის გზაზე და სომხეთის საზღვართან, ახალციხე-ნინოწმინდის საავტომობილო გზის მონაკვეთზე, ყველა სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით.