საპატრიარქოს ინფორმაციით, ილია მეორეს კლინიკურ-ლაბორატორიული და ინსტრუმენტული გამოკვლევები ჩაუტარდა. დიაგნოზის საფუძველზე კი ნაღვლის ბუშტის ქირურგიული მეთოდით მკურნალობა გახდა აუცილებელი.

გერმანიაში პატრიარქის პირადი ექიმიც იმყოფება. ცისანა შარტავას თქმით, უწმინდესის მდგომარეობა სტაბილურია და ახლა ის თავს კარგად გრძნობს.

კლინიკასთან საპატრიარქოს წარმომადგენლები და საეკლესიო პირები დილიდან შეიკრიბნენ.

ილია მეორე ბერლინში სამკურნალოდ, 2 თებერვალს გაემგზავრა.