თბილისი მოდას აყოლილი ქალაქია, სადაც სწრაფად იტაცებენ და იზიარებენ ახალ იდეებს ან თუნდაც ძველ ტრადიციას განაახლებენ და ახალი ფორმით დატვირთულს სთავაზობენ საზოგადოებას. სწორედ ასეთი წამოწყებაა უფასო ბაზრობაც, რომელიც პირველად 2014 წელს გაიმართა ეგნატე ნინოშვილის ქუჩაზე ერთ-ერთი კერძო სახლის ეზოში. მაშინ ხალხს ეუცხოვა ეს ყველაფერი და მნახველიც შესაბამისად ცოტა იყო, თუმცა დროთა განმავლობაში თბილისელებმა აიტაცეს წამოწყება და ის საკმაოდ წარმატებული აღმოჩნდა.