„რუსთავი 2-ის" საქმის განმხილველი მოსამართლის ოჯახთან სახელმწიფოს მხრიდან გაფორმებული ხელშეკრულების შესახებ ოპოზიციამ ისაუბრა. კორუფციული გარიგება მოსამართლის ოჯახსა და ხელისუფლებას შორის-ასე აფასებს ოპოზიცია ხელშეკრულებას, რომლის საფუძველზეც ნატა ნაზღაიძის ძმამ სახელმწიფოსგან მილიონი ლარი მიიღო, გასტუმრებული საბანკო კრედიტის და მიწის სახით.

"რატომ გაგიჟდა დედაქალაქის მერია და ივანიშვილის ეს ხელისუფლება, იმიტომ, რომ „რუსთავი 2-ის" საქმე არის აქ, ქალბატონი ნატო ნაზღაიძე „რუსთავი 2-ის" საქმეზე მოსამართლე იყო, გამოიტანა გადაწყვეტილება, რომელიც ბიძინა ივანიშვილის ინტერესს მოემსახურა და ამ ინტერესის გატარება ივანიშვილმა ერთი მილიონი ლარით დაუფასა," - განაცხადა „რუსთავი 2-თან" ნაციონალური მოძრაობის პოლიტსაბჭოს თავმჯდომარემ, ნიკა მელიამ.