ლუგანსკში ე.წ. "სახალხო რესპუბლიკის" პოლიციის უფროსის მანქანა ააფეთქეს. შედეგად ავტომობილში მყოფი ორივე ადამიანი დაიღუპა, მათ შორის უწყების ხელმძღვანელი, ოლეგ ანაშენკო. აღნიშნულის შესახებ ინფორმაციას ადგილობრივი პოლიციის პრესსამსახური ავრცელებს.

ადგილობრივი პროკურატურა მომხდარს "ტერაქტს" უწოდებს და თავდასხმაში უკრაინელ დივერსანტებს ადანაშაულებს.გავრცელებული ინფორმაციის მიხედვით, აფეთქება ლუგანსკში, კრასნოზნამენის ქუჩაზე მოხდა.

პრორუს სეპარატისტებსა და სამთავრობო ძალებს შორის შეტაკების ეპიცენტრად ამ დრომდე ქალაქი ავდეევკა რჩება, სადაც საბრძოლო მოქმედებების გამო, ჯერაც ვერ ხერხდება მოსახლეობისთვის ჰუმანიტარული დახმარების დარიგება.