აფხაზეთის და ცხინვალის საოკუპაციო რეჟიმები, რეგიონის მოსახლეობისთვის, ევროპასთან უვიზო მიმოსვლის შეთავაზებას, ქართული მხარის მორიგ სატყუარად აფასებენ.
ე.წ „ნეიტრალური პასპორტების" გეგმის ჩავარდნის შემდეგ, საქართველოს მთავრობამ გადაწყვიტა, კიდევ ერთი სატყუარა გამოიყენოს"-ნათქვამია სოხუმის დე-ფაქტო საგარეო საქმეთა სამინისტროს განცხადებაში.
ცხინვალის საოკუპაციო რეჟიმის განმარტებით, ევროკავშირსა და საქართველოს შორის უვიზო მიმოსვლაზე შეთანხმება, მხოლოდ საქართველოს მოქალაქეებს შეეხებათ და თვითგამოცხადებული რესპუბლიკის მოქალაქეებზე არ ვრცელდება.
„ჩვენი სურვილია, რომ ეს შესაძლებლობა და ხელშესახები სარგებელი შევთავაზოთ აფხაზეთის და ცხინვალის რეგიონის მაცხოვრებლებს, რომლებიც მავთულხლართების გამო იზოლაციაში იმყოფებიან. ქართული მხარე და საერთაშორისო თანამეგობრობა, არ ახდენს მათ იზოლაციას"-განაცხადა ქეთევან ციხელაშვილმა, სახელმწიფო მინისტრმა, შერიგებისა და სამოქალაქო თანასწორობის საკითხებში.