გარემოს ეროვნული სააგენტოს ჰიდრომეტეოროლოგიური სამსახურის პროგნოზით, საქართველოს მთელ ტერიტორიაზე დღეს უნალექო ამინდი შენარჩუნდება.

ხვალაც უმეტესად უნალექო ამინდია მოსალოდნელი. თუმცა, დასავლეთ საქართველოს ცალკეულ რაიონებში, შესაძლოა, იყოს მცირე წვიმა, მთაში ღამით მოთოვს.

6 თებერვალს დასავლეთ საქართველოში იწვიმებს. აღმოსავლეთ საქართველოში კი წვიმა ზოგიერთ რაიონში იქნება. ქვეყნის მაღალმთიან რეგიონებში ღამით თოვლია მოსალოდნელი.

4-6 თებერვალს დასავლეთ საქართველოში ჰაერის ტემპერატურა დღისით, 10-12 გრადუსამდე მოიმატებს. აღმოსავლეთ საქართველოს ბარში კი დღისით, ჰაერის მაქსიმალური ტემპერატურა, 6-8 გრადუსი იქნება. ღამით ყინვები შემცირდება.