ბელორუსის ლიდერი რუსეთს აკრიტიკებს და პოლიტიკურ თავდასხმაში ადანაშაულებს. განცხადება ალექსანდრე ლუკაშენკომ, მინსკში გამართულ პრესკონფერენციაზე გააკეთა.
ლუკაშენკოს თქმით, ქვეყნისთვის ისტორიული წარსული, თავისუფლება და დამოუკიდებლობა უფრო მნიშვნელოვანია, ვიდრე რუსული ნედლეული. პრეზიდენტის თქმით, ის ადეკვატურ პასუხს გასცემს რუსეთის გადაწყვეტილებას, ბელორუსთან სასაზღვრო ზონის მოწყობასთან დაკავშირებით.
ბელორუსის ლიდერის შეფასებით, რუსეთს ეშინია, რომ ოფიციალური მინსკი დასავლეთისკენ გადაიხრება, ამიტომ ნავთობის ექსპორტის განახევრებით დაემუქრა. ლუკაშენკო აცხადებს, რომ ქვეყანას გაუჭირდება, თუმცა არსებობას რუსული ნავთობის გარეშეც შეძლებს.