"ბავშვთა სამყაროს" დაზარალებული მოვაჭრეები შენობაში შესვლას კვლავ ითხოვენ. მათი განცხადებით, შენობის დემონტაჟის შემთხვევაში ვეღარ შეძლებენ საკუთარი ნივთების მოძიებას, რადგან ყველაფერი მიწაში ჩაიმარხება.

მოვაჭრეებს შენობიდან გადარჩენილი ნივთების გამოტანა სურთ, თუმცა უსაფრთხოების ნორმებიდან გამომდინარე სამართალდამცავები საშუალებას არ აძლევენ.

მერიაში კი ამ დრომდე, სამხარაულის ექსპერტიზის ბიუროს ოფიციალური დასკვნა არ შესულა- ექვემდებარება თუ არა შენობა დემონტაჟს.