უამინდობის გამო ნაწილობრივ შეზღუდულია მოძრაობა რიკოთის უღელტეხილზე. გადაადგილება აკრძალულია მისაბმელიანი და ნახევრად მისაბმელიანი ტრანსპორტისთვის.

ასევე, საავტომობილო გზების დეპარტამენტის ინფორმაციით, თოვლისა და ლიპყინულის გამო, გზის რამდენიმე მონაკვეთზე დაწესებულია მოძრაობის სპეციალური რეჟიმები: თბილისი-სენაკი-ლესელიძის, ქუთაისი-წყალტუბო-ცაგერი-ლენტეხი-ლასდილის, ქუთაისი-ტყიბული-ამბროლაურისა,და კოდა-ფარცხისი-მანგლისი-წალკა-ნინოწმინდის საავტომობილო გზებზე.

„შექმნილი ვითარებიდან გამომდინარე, საავტომობილო გზების დეპარტამენტი მოგიწოდებთ, იმოძრაოთ ზამთრის პერიოდისათვის შესაბამისი საბურავებით, გამართული ავტოტრანსპორტითა და დაემორჩილოთ საავტომობილო გზებზე დაწესებულ რეჟიმებს"- ნათქვამია განცხადებაში