აჭარაში დიდთოვლობას 45 წლის მამაკაცი ემსხვერპლა. ხელვაჩაურში, სოფელ ფერიაში, დიდთოვლობის გამო სახლის სახურავი ჩამოინგრა.მაშველებმა ნანგრევებში მოყოლილი მამაკაცის გადარჩენა ვერ შეძლეს.

მუნიციპალიტეტის გამგეობის ინფორმაციით, ის სახლში მარტო იყო, მეუღლე და შვილები სტუმრად იმყოფებოდნენ. ნგრევის ხმა გარდაცვლილის მეზობლებმაც გაიგეს.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.