გალის რაიონის სოფელ მახუნჯიადან 48 წლის გ.ც. გაიტაცეს. ინფორმაციას „მოამბე" ავრცელებს. ავტომატური ცეცხლსასროლი იარაღით შეიარაღებულმა ექვსმა პირმა საკუთარი საცხოვრებელი სახლიდან იარაღის მუქარით გაიყვანა მამაკაცი. იმ დროისათვის, ოჯახში მამაკაცის მოხუცი დედა და მეუღლე იმყოფებოდნენ. შემთხვევა 4 დღის წინ მოხდა. მეუღლის განცხადებით, გამტაცებლებმა დაიბარეს, რომ თუ 200 ათას რუსულ რუბლს არ გადაიხდიან, მამაკაცს ცოცხალს ვერ ნახავენ.