საქართველოს კანადაში, კორეასა და ყაზახეთში ახალი ელჩები ეყოლება. „მოამბის" ინფორმაციით, საქართველოს პრეზიდენტი გიორგი მარგველაშვილი ახლად დანიშნულ ელჩებს შეხვდა და მათ მომავალ საქმიანობაში წარმატება უსურვა.

პრეზიდენტის განკარგულებების მიხედვით, 1 მარტიდან კანადაში საქართველოს საგანგებო და სრულუფლებიანი ელჩისა და, ასევე საერთაშორისო სამოქალაქო ავიაციის ორგანიზაციაში საქართველოს მუდმივი წარმომადგენლის თანამდებობაზე კონსტანტინე ქავთარაძე დაინიშნა.

ზურაბ აბაშიძე ყაზახეთის რესპუბლიკაში საქართველოს საგანგებო და სრულუფლებიანი ელჩის უფლება-მოსილების განხორციელებას შეუდგება.

კორეის რესპუბლიკაში ელჩის თანამდებობას ოთარ ბერძენიშვილი დაიკავებს.