ჰოლივუდის მსახიობი, ეშტონ კატჩერი, დონალდ ტრამპის განკარგულებას ეხმაურება. 38 წლის მსახიობმა აღნიშნა, რომ ეს საკითხი მის ოჯახს პირადადაც ეხება, რადგან მისი მეუღლე, მილა კუნისი, აშშ-ში, ლტოლვილად ჩამოვიდა.
„ჩემი მეუღლე ამ ქვეყანაში ცივი ომის დროს, ლტოლვილის სტატუსით ჩამოვიდა. ამის გამო ახლა სისხლი მიდუღს. შიშზე დაფუძნებული ერი არასდროს ვყოფილვართ. ჩვენ თანაგრძნობა სულში გვიზის",-განაცხადა მსახიობმა, საკუთარ „Twitter"-ის გვერდზე.
ტრამპის განკარგულებას გამოეხმაურნენ დები კარდაშიანებიც, რომლებიც შვებულებას კოსტა რიკაზე ატარებენ.
დონალდ ტრამპის მიერ გაცემული განკარგულების მიხედვით, 7 მუსლიმანური ქვეყნის მოქალაქეებს, აშშ-ში შესვლა ეკრძალებათ.