ამერიკის პრეზიდენტი დონალდ ტრამპი აცხადებს, რომ რუსეთისათვის სანქციების მოხსნაზე საუბარი ნაადრევია. განცხადება დონალდ ტრამპმა დიდი ბრიტანეთის პრემიერ-მინისტრ ტერეზა მეისთან შეხვედრის შემდეგ გააკეთა. შეხვედრა თეთრ სახლში გაიმართა. შეხვედრის შესახებ ინფორმაციას გამოცემა "გარდიანი" აქვეყნებს.

"თუ ჩვენ რუსეთთან და სხვა ქვეყნებთან კარგი ურთიერთობები გვექნება, თუ ჩვენ ერთად დავუპირისპირდებით „ისლამურ სახელმწიფოს", რომელიც უნდა შევაჩეროთ, ეს კარგია და არა ცუდი," - განაცხადა ტრამპმა.

დონალდ ტრამპსა და ვლადიმერ პუტინს შორის სატელეფონო საუბარი დღეს არის დაგეგმილი.