საფინანსო კომპანია „საქართველოს" მიერ დაზარალებული მეანაბრეები კუთვნილი თანხის დაბრუნებას ითხოვენ და პარლამენტის შენობის წინ აქციას მართავენ. აქციის მონაწილეების თქმით, აუცილებელია, რომ შეიქმნას საპარლამენტო კომისია, რომელიც ეროვნული ბანკისა და საფინანსო კომპანია „საქართველოს" შორის დაკავშირებულ საკითხზე იმსჯელებს.

„რუსთავი 2-ის" ინფორმაციით, აქცია თეატრალიზებული ფორმის სახით მიმდინარეობს. მონაწილეები პარლამენტის შენობასთან უმრავლესობის წევრების პორტრეტებით მივიდნენ და ასევე შეკრეს ქაღალდის ჯაჭვი, რაც, მათი თქმით, კავშირია ხელისუფლებასა და მოსახლეობას შორის.