ავტოავარია თელავის რაიონის, სოფელ კახიფარში მოხდა. Mitsubishi-ის მარკის ავტომობილი ხეს შეეჯახა, რის შედეგადაც ორი ადამიანი დაშავდა. განსაკუთრებით მძიმე მდგომარეობაშია მძღოლი, რომელსაც სხეულის მოტეხილობები აღენიშნება.

„რუსთავი 2-ის" ინფორმაციით დაშავებულები გურჯაანის და თელავის რაიონულ საავადმყოფოში, სასწრაფო დახმარების ბრიგადამ გადაიყვანა.

ადგილზე მობილიზებულია საპატრულო და სამაშველო სამსახურები.

წინასწარი ინფორმაციით, ავტოავარიის მიზეზი გადაჭარბებული სიჩქარე გახდა. მომხდარზე მიმდინარეობს გამოძიება.