პრეზიდენტი გიორგი მარგველაშვილი ვენეციის კომისიის დელეგაციას შეხვდა, რომელსაც კომისიის პრეზიდენტი, ჯანი ბუკიკიო ხელმძღვანელობს. შეხვედრისას საუბარი დაგეგმილ საკონსტიტუციო ცვლილებებს, საკონსტიტუციო კომისიის მუშაობას და სასამართლო რეფორმის „მესამე ტალღას" შეეხო.
გიორგი მარგველაშვილმა ჯანი ბუკიკიოს საკონსტიტუციო ცვლილებებსა და სასამართლო რეფორმაზე საკუთარი მოსაზრებები გააცნო.
როგორც შეხვედრის დასრულების შემდეგ, ვენეციის კომისიის პრეზიდენტმა განაცხადა, ვენეციის კომისიამ სასამართლო რეფორმის „მესამე ტალღის" შესახებ უკვე გასცა რეკომენდაციები და სასურველია თუ გათვალისწინებული იქნება.
" ვეთანხმებით საკონსტიტუციო რეფორმის მიზნებსა და ამოცანებს. განსაკუთრებით ვაფასებთ პრეზიდენტის როლს, რომელიც ჩანს, რომ შეძლებისდაგვარად მიუკერძოებელი, ნეიტრალური და ქვეყანაში დემოკრატიის გარანტია.არსებული კონსტიტუცია გლობალურ დონეზე უკვე კარგი ტექსტია, თუმცა გარკვეულ სრულყოფას საჭიროებს"-განაცხადა ჯანი ბუკიკიომ.
შეხვედრას საქართველოს პრეზიდენტის ადმინისტრაციის და უშიშროების საბჭოს წარმომადგენლებიც ესწრებოდნენ.