პრემიერ-მინისტრი დავოსის ეკონომიკურ ფორუმზე „BP"-ის აღმასრულებელ დირექტორს, რობერტ დადლის შეხვდა.მხარეებმა „ბაქო- თბილისი-ჯეიჰანის" მილსადენის პროგრესი და სამხრეთ კავკასიის გაზსადენის გაფართოების საკითხები განიხილეს.

„ეს პროექტი მოიცავს არა მარტო საქართველოს, არამედ შესაბამისი ინფრასტრუქტურის მშენებლობას თურქეთში და ევროპისკენ მიმავალ გზაზე. ჩვენ შევეხეთ „BP"-სა და საქართველოს მთავრობის საქმიანობას თქვენი ქვეყნისა და რეგიონის მასშტაბით მიკროფინანსირების პროგრამების ფარგლებში"-განაცხადა რობერტ დადლიმ შეხვედრის დასრულების შემდეგ.

„BP"-ის წარმომადგენლობები სხვადასხვა ქვეყანაში აქვს. კომპანია „BP" საქართველოში 1996 წლიდან მოღვაწეობს. მილსადენების ექსპლუატაციის ფაზაში ამ დროისთვის 500-ზე მეტი თანამშრომელი მუშაობს.