პარლამენტში "ნაციონალური მოძრაობის" ფრაქციას რომან გოცირიძე უხელმძღვანელებს. პარტია პარლამენტში ფრაქციის სიასაც წარადგენს იმ მიზნით, რომ მისი დამტკიცება ორშაბათის ბიუროს სხდომაზე მოხდეს.

„ნაციონალური მოძრაობის" ახალი ფრაქცია 6 დეპუტატით დაკომპლექტდება. მათ შორის არიან: რომან გოცირიძე, ნიკა მელია, თინათინ ბოკუჩავა, კობა ნაყოფია, სალომე სამადაშვილი და აზერ სულეიმანოვი.

„ეს იქნება 6-კაციანი ფრაქცია, დიახ მისი თავმჯდომარე ვიქნები მე, მოადგილე იქნება ქალბატონი სალომე სამადაშვილი. ჩვენ გვაქვს იმედი, რომ ფრაქციის დარეგისტრირება ორშაბათის ბიუროზე მოესწრება და შევუდგებით მუშაობას"-განაცხადა რომან გოცირიძემ.